走塑冷知識︱點解用紙飲筒飲可樂唔好味？ K Kwong從化學角度拆解原理

【禁膠／環保／走塑／塑膠／管制即棄塑膠／紙餐具／食用安全】首階段管制即棄塑膠措施正式實施後，即棄膠餐具包括發泡膠餐具（食物容器、碟、杯）、膠飲管、膠刀羹叉、膠碟及膠攪拌棒全面停止供應，但大家有無發現用紙飲筒飲可樂，味道總是強差人意？網絡社交紅人兼化學博士K Kwong（鄺士山）在個人社交網站，發現自己的見解。

K Kwong首先解釋可樂的原理，可樂是二氧化碳氣體加壓溶於含糖漿、檸檬酸、香料的飲品。二氧化碳溶於水就構成碳酸，所以汽水類飲品又稱為「碳酸類飲品」，也被叫做「荷蘭水」。他指，二氧化碳要高壓力先可以溶多些在水中，但酸性、低壓力、高溫都會令二氧化碳釋放出來，呢啲叫做【化學平衡】：

H^+(aq) + HCO3^-(aq) == H2O(l) + CO2(g)   delta H > 0

  P ↓ 平衡位置向右，即壓力低時二氧化碳氣泡會產生

  T ↑平衡位置向右，即溫度高時二氧化碳氣泡會產生

 [H^+]↑平衡位置向右，即酸性高時二氧化碳氣泡會產生

點解可樂咁好飲？他解釋，由於可樂有好多二氧化碳溶於水中，可以稱為「超飽和」supersaturated 二氧化碳嘅水溶液。當飲冰凍可樂的時候，可樂在口腔內立即加溫。由上述的平衡可知， T ↑平衡位置向右，即溫度高時二氧化碳氣泡會產生。氣泡通常在凹凸面形成，由於口腔內充滿凹凸面，氣泡在口腔內形成，由小變大同口腔按摩，進入食道更加由於氣體產生，同食道按摩，產生快感。

香港人叫呢啲叫做「鋸」。

至於在物理學上的解釋是表面張力 (surface tension) ，氣泡由無限細變大，由微積分可以知道，能量為無限大！即是氣泡由無中生有而產生的能量為無限大，必須依附在凹凸面先容易形成。氣泡比較容易在紙飲管形成，是因為紙面(雖然已經有一層膠膜) 比較多凹凸面。

所以掂到紙杯或紙面可樂啲起泡好快就走曬，一啲都唔好飲。膠飲管由於好光滑，氣泡冇咁容易形成，所以好飲啲。

K Kwong續稱，可樂加萬樂珠會產生好多氣泡主要因為上述原因，萬樂珠好多凹凸面，放入可樂裏面氣泡立即形成，因此會四處噴射。他又表示，膠樽裝可樂口味也差少少，雖然膠樽好光滑，但可樂内的二氧化碳可以穿過PET膠樽 ，所以膠樽裝可樂擺一年半載已經冇乜氣，所以唔好飲。

最唔好飲嘅可樂就係膠樽裝嘅可樂倒入紙杯再用紙飲筒飲，簡直侮辱咗可樂。

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5